Srikandi, Dorna Jeung Cepot 

Kacaritakeun dinagara Amarta ayeuna mah tos dipingpin ku hiji ratu, sanes ku raja deui. Aya pergantian kekuasan atanapi Suksesi kepemimpinan upami ceuk bahasa keren na mah.  Ratu tea namina Ratu Srikandi.  

Di istana aya peraturan teu kenging ngaroko. Aya tempat khusus kangge ngaroko.

Dina hiji mangsa, upami teu leupat dinten jum’at. Aya giliran tugas ngajaga istana. Dina jum’at eta kaleureusan nu kabagean ngajaga sareng ngontrol kasakuliah nagara nyaeta Doorna.

Kocapkeun Harita Si Cepot keur ngobrol baceo ngaler ngidul jeung barudak nu aya di hiji ruangan istana. Kumargi tos lami ngobrol na, si Cepot kesel cengkat rek kaluar ruangan istana. Di luar ruangan istana Si Cepot ngaluarkeun rokok sabatang jeung bensin na. Maksadna ke bade ngaroko di tempat khusus tea. Tos jadi kabiasaan si cepot upami bade ngaroko sok digeleng – geleng heula ngaluarkeun sebagian bako di tungtung rokok tea supaya heunteu teuas jeung hampang di udut na.

Sabot keur ngageleng – geleng rokok tea, kurumuy si Doorna datang ngontrol bari ngagareuwahkeun.

“Heug..”, cenah.

Si cepot kalem we da rumasa teu salah, ngan ukur ngageleng – geleng rokok. Rokok na teu acan diseungeut da niat na rek ngaroko di tempat khusus tea. Tos dugi ka tempat area khusus ngaroko, plenyun we Si cepot ngaroko.

Kocapkeun sababaraha jam ti harita. Kumargi waktos na mulang, nya Si Cepot ge rek mulang ka tumaritis. Tapi samemeh na Si cepot ngaroko heula di area khusus bebas rokok. Maklum ayeuna mah jaman modern, di nagara amarta tos ngagunakeun HP. Kumargi Si Cepot mah teu gaduh HP, nya rada tinggaleun upami aya informasi nanaon the. Keur ngaroko kitu, Si cepot manggih beja ti babaturanana yeun aya jelema nu ngaroko di jero ruangan istana, aya piwuruk ti Srikandi melalui WhatApps.

Jol teug bae si Cepot kaisinan. Pasti ieu ditujukan kadirina, Aduh cilaka. Pasti ieu kalakuan Si Doorna nu mere beja salah ka Srikandi. Dasar dooorna. Aya – aya wae kalakuan teh. hayang kapake kudunungan bari nuding teu paruguh ka batur.

Si Cepot balik we ka tumaritis. Teu nyarios nanaon. Wios ah tos adat Si Doorna sok kitu bae ka batur.  Teu kedah di konfirmasi atanapi dileureuskeun. Bilih matak manjang engke na. Kitu peta na Si Doorna Sanes wae ka Si Cepot, tapi Kanu sejen na ge sok kitu. Sok kadang mere informasi salah da hayang kapake ku dunungan.